ಡಾ ನರಸಾಪೂರ & ಪರಿವಾರ

ಶ್ರೀ ಕೃಷ್ಣವಿಠ್ಠಲಪದಗುಚ್ಛ 3.6

ಕೋರೆಗಾಡಿ ಹಿಂಸ್ರಪಶು, ಸರಿಸೃಪ, ಭೂತಪ್ರೇತ ಭಯನಿವಾರಿಸಲಿ ||23|||

ಸರ್ವಕ್ಕೂ ದಿವ್ಯೌಷಧವಾದ ಭಗವನ್ನಾಮರೂಪ ಅಸ್ತ್ರವೆಂಬ ಮಂತ್ರ |

ಕೀರ್ತಿಶ್ರೇಯಸ್ಸಿಗೆ ವಿಘ್ನತರುವ ಭಯವನ್ನು ನೀಗಿಸಲಿ ||24||

ಗರುಡರೂಢಿಯ ಸ್ತುತಿಸುವ ಬೃಹತ್ ರಥಂತರ ಸಾಮವೇದ |

ಗರುಡ ವಿಷ್ವಕ್ಸೇನ ಪ್ರಭುನಾಮವು ಉಳಿದೆಲ್ಲ ರೀತಿಯಲಿ ರಕ್ಷಿಸಲಿ ||25||

ಹರಿಯ ನಾಮ ರೂಪ, ನಾನಾ ಆಯುಧ, ಶ್ರೇಷ್ಠ ಪಾರ್ಷದರೆಲ್ಲ |

ಇಂದ್ರಿಯ, ಬುದ್ಧಿ, ಮನ-ಪ್ರಾಣಸಹಿತ ಕಾಪಾಡಲಿ ||26||

ಕಾರ್ಯ, ಕಾರಣರೂಪದ ಈ ಜಗತ್ತು ಭಗವಂತನೇ ಆಗಿರುವನೆಂದು |

ಅರಿತರೆ ಸತ್ಯ ಆಗುವುದು ಉಪದ್ರವಗಳ ನಾಶ ||27||

ಸ್ವರೂಪದಿ ವಿಕಲ್ಪರಹಿತ ಭಗವಂತ ಮಾಯಾ ಸ್ವ-ಶಕ್ತಿಯಲಿ |

ಧರಿಸಿರುವ ಸತ್ಯದಿ ಆಯುಧ, ರೂಪ, ನಾಮವ ||28||

ಸರ್ವಜ್ಞ ಭಗವಾನ್ ಹರಿಯೊಬ್ಬನೇ ಸರ್ವಸತ್ಯ |

ಸರ್ವದಾ ಸ್ವರೂಪದಿಂದ ಸರ್ವತ್ರ ರಕ್ಷಿಸಲಿ ||29||

ಯಾರ ಅಟ್ಟ

336 ಕಾಲವೇ ಕಾರಣ ಜಯಾ-ಪರಾಜಯಕೆ |

ಕಾಲವೇ ಕಾರಣ ಮನೋಬಲ-ಇಂದ್ರಿಯ ಬಲಕೆ ||

ಕಾಲವೇ ಕಾರಣ ದೇಹಬಲ-ಪ್ರಾಣಗಳಿಗೆ |

ಕಾಲವೇ ಕಾರಣ ಜೀವನ-ಮೃತ್ಯುವಿಗೆ ||

ಕಾಲ ಅನುಕೂಲವಿದ್ದರೆ ಬಯಸದೇ ಬರುವುದು ಭಾಗ್ಯ |

ಕಾಲ ಅನುಕೂಲವಿದ್ದರೆ ಬಯಸದೇ ಬರುವುದು ಸಂಪತ್ತು, ಕೀರ್ತಿ ||

ಕಾಲ ವಿರುದ್ಧವಿದ್ದರೆ ದು:ಖ-ಅಪಕೀರ್ತಿ ಸಿದ್ಧ |

ಕಾಲಾತೀತ, ಕಾಲ ನಿಯಾಮಕ ಕಾಲನ ಇಚ್ಛೆ ||

ಕಾಲಕಾಲಕೆ ಶ್ರೀಕೃಷ್ಣವಿಠ್ಠಲ ಉಣಿಸುವ ಸಕಲಭೋಗ ||

337. ಸರ್ವದೋಷವಳಿಸಿ | ಸರ್ವಪಾಪ ಕಳೆದು ||

ಸರ್ವಪುಣ್ಯ ಉಳಿಸಿ | ಸರ್ವದಾ ಸರ್ವೇಶ ಶ್ರೀಕೃಷ್ಣವಿಠ್ಠಲ ಶುಭ ತೋರೋ ||

338. ಕೇಶವಾದಿ ನಾಮಗಳು

ಸಂಶಯ ಕಳೆದು ನಿರ್ಮಲ ನಿಶ್ಚಲ ಭಕುತಿ ಕೊಡು |

ವಿಷಯ ಸುಖ ದೂರಮಾಡು ಕೌಸ್ತುಭಧಾರಿ ಶ್ರೀಕೇಶವ ||1||

ನಿರ್ಮಾಲ್ಯ ಶಿರದಿ ಧರಿಸಿ ನೈವೇದ್ಯ ಭುಂಜಿಸುವಂತೆ |

ಮಾನವಜನ್ಮ ಸಾರ್ಥಕವಾಗಿಸೋ ಪಾಲಶಾಯಿ ಶ್ರೀನಾರಾಯಣ ||2||

ಅಧಮರೊಡನೆ ಕೂಡದಂತೆ, ಧನದಾಹಿಯಾಗದಂತೆ |

ಸುಧರ್ಮದಿ ಜೀವಿಸುಂತಾಗಲೀ ಅಣುಮಹದ್ಗತ ಶ್ರೀಮಾಧವ ||3||

ಬುಧರೊಡನೆ ಬೆರೆತು ಸಮಯ ವ್ಯರ್ಥವಾಗಿಸದೆ |

ಒಂದೇ ಮನದಿ ಭಜಿಸುವಂತಾಗಲಿ ಪದ್ಮಾಪತಿ ಶ್ರೀಗೋವಿಂದ ||4||

ಉಷ್ಣ, ಶೀತಬಾಧೆಸಹಿತ ವೈಷ್ಣವ ಸಂಗದಿಂದ್ದು |

ಇಷ್ಟಪಡುವ ಸತ್ಸಂಗ ದೊರಕಿಸು ಸತ್ಯಸಂಕಲ್ಪ ಶ್ರೀವಿಷ್ಣು ||5||

ಬಂಧುಬಾಂಧವರಿಂದ ದೂರವಿರಿಸಿ ಏಕಾಂತದಿ |

ಸುಂದರಮೂರುತಿ ಮನದಿ ನಿಲ್ಲಿಸೋ ಸಮದರ್ಶಿ ಶ್ರೀಮಧುಸೂದನ ||6||

ತ್ರಿವಿಧ ತಾಪ ಕಳೆದು ತ್ರಿಕಾಲದಿ ಸ್ಮರಣೆಯಿತ್ತು |

ತ್ರಿಗುಣಾತೀತ ಸದಾ ಸಲಹೋ ತ್ರೀಧಾಮಗ ಶ್ರೀತ್ರಿವಿಕ್ರಮ || 7||

ಮನದ ಅಹಂಕಾರವಳಿದು ಕೊನೆ ಉಸಿರಿನತನಕ |

ಮಾನಸದೀ ಪೂಜಿಸುವಂತಾಗಲಿ ವಿಧಾತಾ ಶ್ರೀವಾಮನ ||8||

ಧರಣಿಯಂತೆ ಸಹನೆ ಇತ್ತು ಕರುಣೆಯ ಕಂದನೆಂದು |

ತಾರಿಸು ಭವದ ಕಡಲ ಶ್ರೀವತ್ಸಾಂಕ ಶ್ರೀಧರ ||9||

ಆಶಾಪಾಶ ಕಡಿದು ಭವಪಾಶ ನೀಗಿಸಿ ಪಾಪದ |

ಶೇಷ ಉಳಿಯದಂತೆ ತೊಳೆ ವೇದವೇದ್ಯ ಶ್ರೀಹೃಷಿಕೇಶನೇ ||10||

ಹೃದಯ ಕಮಲದಿ ಶಾಶ್ವತದಿ ಚಿದ್ರೂಪ ನಿಲಿಸಿ |

ಬುದ್ಧಿ ಶುದ್ಧವಾಗಿಸೋ ಶುದ್ಧಾತ್ಮ ಸರ್ವವ್ಯಾಪ್ತ ಶ್ರೀಪದ್ಮನಾಭ ||11||

ಅಮೋದ-ಪ್ರಮೋದದ ಆಸೆ ನೀಗಿಸಿ ಚೆಂದದಿ |

ಸನ್ಮೋದದಿ ಸುಮತಿ ಪಾಲಿಸು ನಿರ್ದೋಷ ಶ್ರೀದಾಮೋದರ ||12||

ಆಕರ್ಷಣೆಯಲಿ ಮುಳುಗಿಸದೆ ಮೇಲೆತ್ತಿ ಎನ್ನ |

ಸಂಕಲ್ಪ-ವಿಕಲ್ಪ ತೊರೆ ಬಿಡಿಸು ಶೇಷಶಾಯಿ ಶ್ರೀಸಂಕರ್ಷಣ ||13||

ಆಸೆಯಿಂದ ಸ್ಮರಸುವೆ ಜೀವನ ಹಾಸುಹೊಕ್ಕಾಗಲಿ ನಾಮ |

ಅಶನ-ವಸನ ಚಿಂತೆ ಬಿಡಿಸು ಪ್ರಾಣಪತಿ ಶ್ರೀವಾಸುದೇವ ||14||

ಗದ್ಯದಲಿ ಪದ್ಯದಲಿ ಪ್ರತಿಪದದಿ ನಾಮನುಡಿಸಿ |

ಪಾದಪದ್ಮದಲ್ಲಿರಿಸು ಅನುಗಾಲ ಗುಣಪೂರ್ಣಶ್ರೀಪ್ರದ್ಯುಮ್ನ ||15||

ಅನುಸರಿಸಿ ಭಕ್ತಿಪಥ ಅನುದಿನ ಆಚರಿಸು ಬಿಡದೆ |

ಸಾನುರಾಗದಿ ಗುಣ ಪಾಡುವಂತೆ ಮಾಡು ಅನಿಂದ್ಯ ಶ್ರೀಅನಿರುದ್ಧ ||16||

ಹರುಷದಿ ಪ್ರತಿಕ್ಷಣ ತನುಮನ ಓಲ್ಯಾಡಿ |

ವರ್ಷಿಸಿ ಸಂಕೀರ್ತನ ದರ್ಶನವೀಯೋಹೃದ್ಗತ ಶ್ರೀಪುರುಷೋತ್ತಮ ||17||

ಅಧೋಗತಿಗಿಳಿಯದಂತೆ, ಊರ್ಧ್ವಗತಿ ಪೊಂದುವಂತೆ |

ಬಂಧುವಾಗಿ ಚಿರಕಾಲದಿ ನಿಲ್ಲು ಅದ್ಭುತ ಶ್ರೀಅಧೋಕ್ಷಜ ||18||

ಹೆರವರಿಗೆ ಕೈ ಚಾಚದಂತೆ, ಸೆರೆವಾಸ ಬಿಡಿಸಿ |

ನರಕ ದರುಶನವಾಗದಂತೆ ನೆರವಾಗೋ ಸುರಾಸುರವಂದ್ಯ ಶ್ರೀ ನರಸಿಂಹ ||19||

ಮುಚ್ಚಿದ ಕಣ್ತೆರೆದೊಮ್ಮೆ ಮೆಚ್ಚಿ ಅನುಗ್ರಹಿಸೆನ್ನ |

ಸಚ್ಚಿದಾನಂದಾತ್ಮ ಎನ್ನಲಿ ನಿಲಸೋ ಅಚಿಂತ್ಯ ಶ್ರೀ ಅಚ್ಯುತ ||20||

ಜನನ-ಮರಣ ಚಕ್ರ ತರಿದು ಸುಸ್ಥಿತಿಕೊಡು |

ಜನ್ಮರಹಿತ, ಎನ್ನ ಜನಕ ಜಗದೀಶ ಶ್ರೀಜನಾರ್ಧನ ||21||

ಸೊಂಪಾದ ಸುವಿದ್ಯೆಯಿತ್ತು ಇಹ-ಪರದಿ ನಿತ್ಯದಿ |

ಆಪತ್ತು ಕಳೆ ಇಂದ್ರಿಯಪ್ರೇರಕ ಉದ್ಗೀಥ ಶ್ರೀಉಪೇಂದ್ರ ||22||

ಹರಿಗೊಲಿಲ್ಲದ ನಾವೆಯಂತೆ ಸದಾ ಚಲಿಸುತಿರುವೆ |

ಗುರಿ ತಲುಪುವಂತೆ ಮಾಡೋ ಆಪದ್ಬಾಂಧವ ಶ್ರೀಹರಿ ||23||

ಕಷ್ಟದಿಂದ ನಿನ್ನಲಿ ಭಕ್ತಿಮಾಡಲು ಅರಿತಿರುವೆ |

ಇಷ್ಟದಿಂದ ಬೇಗ ಸಲಹೆನ್ನ ಕೃಪಾಂಬುಧಿ ಶ್ರೀಕೃಷ್ಣ ||24||

ಇಪ್ಪತ್ನಾಲ್ಕು ಕೇಶವಾದಿ ನಾಮಗಳ ನಿತ್ಯ ನೆನಯೆ |

ಆಪ್ತ ಪರಮಪ್ರಿಯ ಶ್ರೀಕೃಷ್ಣವಿಠ್ಠಲ ಬಿಡದೆ ಕಾಯ್ವನು ||25||

ದೇವನ ಅನಂತ ನಾಮಗಳಲಿ ಮನವಿಟ್ಟು |

ದಿವ್ಯ ಇಪ್ಪತ್ನಾಲ್ಕು ನಾಮ ಜಪಿಸಲು ಕರೆದು ಮುಕ್ತಿಕೊಡುವ ||26||

339. ಪುಣ್ಯಪಾಪದ ಲೆಕ್ಕ ಎನಗಂತು ಗೊತ್ತಿಲ್ಲ |

ಎಣಿಕೆಗೆ ಬಾರದು, ಅಂಕೆಗೆ ಸಿಗದು ||

ಸಣ್ಣಗೆ ಪಾಪಗಳು ಗೊತ್ತಿಲ್ಲದೆ ಸೇರಿದ್ದೆಷ್ಟೋ |

ನುಣ್ಣಗೆ ಪುಣ್ಯಗಳು ನವಿರಾಗಿ ಕಳೆದಿದ್ದಿಷ್ಟೋ ||

ಕಣ ಕಣವಾಗಿ ಕೂಡಿಸಿದ್ದು ಕರಗಿದ್ದ್ಯಾವಾಗೋ |

ಅಣುವಾಗಿ ಕಂಡಿದ್ದು ಗುಣಾಕಾರದಿ ಬೃಹತ್ ಆಗಿದೆ ||

ಬಣವಿಯಂತೆ ಒಟ್ಟಿದ್ದು ಆಯಸ್ಸಿನಿಂದ ಭಾಗಿಸಿದರೂ |

ದಣಿಸಿದ ಲೆಕ್ಕ ಮುಗಿಯಲೇ ಇಲ್ಲ ||

ಕಣ್ಣಿಗೆ ಕಾಣದಂತೆ ಶೇಷರೂಪದಿ ಉಳಿದಿದ್ದು |

ಚಣ ಚಣಕೆ ಬಡ್ಡಿಸೇರಿ ಚಕ್ರಾಕಾರವಾಗಿದ್ದು ||

ಗಾಣಿಗರ ಎತ್ತಿನಂತೆ ತಿರುಗುತ್ತಲೇ ಇರುವೆ |

ಗುಣಪೂರ್ಣ ಶ್ರೀಕೃಷ್ಣವಿಠ್ಠಲಗೇ ಗೊತ್ತು ಇರದ ಅಂತ ||

340. ಅಸ್ವತಂತ್ರ, ಅಸ್ವತಂತ್ರದ ಪರಮಾವಧಿ ||ಪ||

ಅಸ್ವತಂತ್ರದಿ ಸ್ವತಂತ್ರದ ಈ ಜೀವ ಪರತಂತ್ರ ||ಅಪ||

ಕಣ್ಣುರೆಪ್ಪೆ ಬಿಡದೆ ಬಡೆವಲ್ಲಿ | ಸಣ್ಣಗೆ ನಿಯಮಿತ ಉಸಿರಾಟದಲ್ಲಿ ||

ಕರ್ಣಗಳ ಕೇಳುವಿಕೆಯಲಿ | ವರ್ಣಗಳ ಸ್ಪಷ್ಟ ಉಚ್ಚಾರದಲಿ ||1||

ಆಹಾರದ ಸೂಕ್ಷ್ಮತೆ ವಿಭಾಗದಲಿ | ದೇಹದ ಸರ್ವಕ್ರಿಯೆಯಲ್ಲಿ |

ವಿದ್ಯೆ ಸಂಪತ್ತು ಪಡೆವಲ್ಲಿ | ಬದುಕಿನಲಿ ಮುಂದೇನು ಎಂಬಲ್ಲಿ ||2||

ನಿದ್ರೆ-ಎಚ್ಚರಿಕೆಯಲಿ | ಗುದ್ದಾಡುವ ಭದ್ರಜೀವನದಿ ||

ಹಸಿವು-ನೀರಡಿಕೆಯಲಿ | ಬಸಿರಾಗಿ ಹಡೆಯುವಲ್ಲಿ ||3||

ಹೂಸು-ತೇಗುವಲ್ಲಿ | ಹಸನಾದ ಬಾಳು ಪಡೆವಲ್ಲಿ |

ವಿಹಾರ-ವಿನೋದ ಪಡೆವಲ್ಲಿ | ಸಹಾಯ-ದಾನ ಕೊಡುವಲ್ಲಿ ||4||

ಕನಸು ಬೀಳುವ ಪ್ರಕ್ರಿಯೆಯಲಿ | ಮನದಿ ಬರುವ ವಿಚಾರದಲಿ ||

ಜನನ-ಮರಣದ ವಿಷಯದಿ | ಪ್ರಾಣದ ಸ್ಥಿರತೆಯಲಿ ||5||

ಕಾಲವನ್ನು ತಡೆವಲ್ಲಿ | ಬಾಲ್ಯ-ಯೌವ್ವನಾದಿ ಕಳೆವಲ್ಲಿ ||

ಕಳೆದಿದ್ದು ಸಿಗುವುದರಲಿ | ಬಲ್ಲಿದ್ದೂ ಆಶೆ ಮಾಡುವಲ್ಲಿ ||6||

ಸ್ವತಂ,ತ್ರ ಬುದ್ಧಿಲಿ ಪೇಳುವೆ | ತಂತ್ರಸಾರೋಕ್ತ ಪುರುಷೋತ್ತಮ |

ಮತ್ತ್ಯಾರೂ ಅನ್ಯರಿಲ್ಲ | ಕರ್ತೃ ಶ್ರೀಕೃಷ್ಣವಿಠ್ಠಲನೊಬ್ಬನೇ ಸರ್ವಸ್ವತಂತ್ರ ||7|||

341. ಭೂಷಣಕೆ ಭೂಷಣ |

ಗಾನ ಶ್ರವಣಕೆ ಭೂಷಣ ||

ಸ್ನಾನ ದೇಹಕೆ ಭೂಷಣ |

ಧ್ಯಾನ ಮನಕೆ ಭೂಷಣ ||

ಜ್ಞಾನ ಬುದ್ಧಿಗೆ ಭೂಷಣ |

ಮೌನ ಮಾತಿಗೆ ಭೂಷಣ ||

ದಾನ ಜೀವನಕೆ ಭೂಷಣ |

ಮಾನ ಮಾನವಗೆ ಭೂಷಣ ||

ಮಾನ್ಯ ಶ್ರೀಕೃಷ್ಣವಿಠ್ಠಲ ಸಕಲಕೂ ಭೂಷಣ ||

342. ಜಗದೀ ಯಾರಿಗೆ ತನ್ನವರಿಲ್ಲವೋ |

ಭಗವಂತನೆ ಸ್ವಯಂ ಅವರಿಗಿರುವ ||ಪ||

ಜಗನ್ನಾಥ, ಅನಾಥೋ ದೀನ ರಕ್ಷಕ ||ಅಪ||

ಗರ್ಭದಿ ಯಾರು ಸಂರಕ್ಷಿಸುವರೋ |

ಹೊರಬರಲು ಯಾರು ಉಸಿರು ಹಾಕುವರೋ ||

ಪ್ರೇರಕನಾಗಿ ನಿಂದು ಸರ್ವಚೇಷ್ಟೇ ಮಾಳ್ಪನೋ |

ಪರಮಾತ್ಮನವನೇ ಸರ್ವತ್ರ ಕಾಯ್ವ ||1||

ಭುವಿಗೆ ಬರುವ ಮೊದಲು ಎಲ್ಲಿದ್ದ |

ಸಾವಿನ ನಂತರ ಎಲ್ಲಿಗೆ ಹೋಗುವ ||

ಅವಿರತ ಬಿಡದೆ ಜೊತೆಯಲ್ಲಿರುವ |

ಅವಿನಾಶಿ ಯಾರು ಕೈಬಿಟ್ಟರೂ ತಾ ಕೈಬಿಡ ||2||

ಪ್ರತಿ ಕ್ಷಣದಿ ಸರ್ವ ಪ್ರಚೋದಕನಾಗಿ |

ಪ್ರತಿಕಾರ್ಯ, ಕಾರಣ, ಕರ್ತನಾಗಿ ||

ಪ್ರತಿ ಫಲಾಕ್ಷೆ ಇಲ್ಲದ ನಿರ್ವಿಕಾರಿ |

ಪೂತಾತ್ಮ ಪರಾತ್ಪರ ಶ್ರೀಕೃಷ್ಣವಿಠ್ಠಲ ಸರ್ವಬಂಧು ||3||

343. ವಿಜಯವಿಠ್ಠಲ ಪ್ರಿಯದಾಸ |

ವಿಜಯ ಗುರುರಾಯ ಶಿಷ್ಯವತ್ಸಲ ||ಪ||

ಸುಜೀವಿ ಉದ್ಧಾರಕ ಹರಿದಾಸಶ್ರೇಷ್ಠ ||ಅಪ||

ಉದರಶೂಲೆ ಎಂದರೆ ಬರುವಂತೆ ಮಾಡಿ |

ಅಧ್ಯಾತ್ಮವಿದ್ಯೆ ಜೊತೆ ಆಯಸ್ಸು ಕೊಡಿಸಿದೆ ||

ಸಾಧನೆ ಮಾರ್ಗದಿ ನಿಲಿಸಿ ಪರಮೋಪಕಾರ ಗೈದೆ |

ಬದುಕು ಸಾರ್ಥಕತೆ ಉಪಾಯ ಸೂಚಿಸಿದ ||1||

ಅಪೂಪ ಸೀಕರಣೆಯಲಿ ಮುಳುಗಿ ಗತಿಸಿದ |

ಅಪರೂಪದ ಬಾಲಕಗೆ ಜೀವ ದಾನಿಸಿದೆ ||

ವಿಪರೀತ ಅನಾರೋಗ್ಯದ ಕೂಸಿಗೆ ಆರೋಗ್ಯವಿತ್ತು |

ತಾಪ ಕಳೆದು “ಚಿರಂಜೀವಿಯಾಗೆಲೋ ಚಿಣ್ಣ” ಎಂದು ಹರಸಿದ ||2||

ನೂರಾರು ಪದದಿ ಜ್ಞಾನಬೋಧಿಸಿದವಗೆ |

ಗುರುವೆಂದು ತಿಳಿದು ಶರಣಾಗಿ ಬಂದಿರುವೆ ||

ಕರಪಿಡಿದು ಮುಕ್ತಿಪಥದಿ ಮುನ್ನಡೆಸಿ |

ಶ್ರೀಕೃಷ್ಣವಿಠ್ಠಲನ ತೋರೋ ನಿಜಭಕುತ ||3||

344. ಎಲ್ಲಿ ಅಡಿಗುರುವೆ ಕೃಷ್ಣಯ್ಯಾ ಹುಡುಕಲೆಲ್ಲಿ ? |

ಬಲ್ಲೆ ನೀನಿರುವೆ ಎಂದು ಕಾಣಿಸಲೊಲ್ಲೇಕೆ ||ಪ||

ಎಲ್ಲ ಕಡೆ ಇದ್ದರೂ ಹುಡುಕಿದರೇಕೆ ಕಾಣಿಸಲೊಲ್ಲೆ ||ಅಪ||

ಒಳ-ಹೊರಗೆ ಇರುವಿ ಎಂದು ಪ್ರಖ್ಯಾತಿ |

ಒಳಗೂ ಕಾಣಿಸಲೊಲ್ಲಿ ಹೊರಗೂ ಕಾಣಿಸಲೊಲ್ಲಿ ||

ಗೋಳಾಕಾರದ ಧ್ಯಾನಕ್ಕೂ ಕಾಣಿಸಲೊಲ್ಲಿ |

ಗೆಳೆಯ, ಎಡೆಬಿಡದೆ ಜೊತೆಗಿರುವಿಯಂತೆ ||1||

ಎನ್ನ ಅಪರಾಧವಾದರೂ ಏನೆಂದು ತಿಳಿಸು |

ಮನ್ನಿಸಿ ಕ್ಷಮಿಸು ಸುಹೃತ ನೀನಲ್ಲವೆ ? ||

ಮುನಿಸಿದ್ದರೆ ಒದ್ದು, ತಿದ್ದಿ, ಬುದ್ಧಿ ಕಲಿಸು |

ಮನೋಹರಮೂರ್ತಿ ಒಮ್ಮೆಯಾದರೂ ಕಾಣಿಸು ||2||

ಎಂದೂ ಕಾಣಿಸದವನು ಇರುವನ್ಹಾಂಗೆನ್ನಲಿ |

ಬಂಧು-ಬಳಗ ನೀನೇ ಎಲ್ಲ ಕೈ ಬಿಡುವಿ ಹೆಂಗೆ ||

ಒಂದೂ ಸಲವಾದರೂ ಕಾಣಿಸದವನ ನಂಬುವುದ್ಹೆಂಗೆ |

ಎಂದಿಗೂ ಕಣ್ಣಿಗೆ ರೆಪ್ಪೆ ಕಾಣದಂತೆ ನೀನಿರುವುದ್ಯಾಕೆ ||3||

ವಚನಕೂ ನಿಲುಕದವ, ಮನದಿ ನಿಲ್ಲದವ |

ಉಚ್ಚಸ್ವರದಿ ಕೂಗಿದರೂ ‘ಓ ’ಗೊಡದವ ||

ಹೆಚ್ಚು ಓದಿದರೂ ಅನುಭವಕೆ ಬಾರದವ |

ಹುಚ್ಚು ಹಿಡಿಸುವೆಯಲ್ಲ ಶ್ರೀಕೃಷ್ಣವಿಠ್ಠಲ ಅನುಗ್ರಹಿಸೊ ||4||

345. ವಜ್ರದಿಂದ ಕಿರಣ ಬೇರಾಗದಂತೆ |

ಸೂರ್ಯನಿಂದ ಬೆಳಕು ಬೇರಾಗದಂತೆ ||

ಕ್ಷೀರದಿಂದ ಬಿಳುಪು ಬೇರಾಗದಂತೆ |

ಶ್ರೀಕೃಷ್ಣವಿಠ್ಠಲ ನಿನ್ನ ಚರಣದಲ್ಲೆನ್ನ ಭಕ್ತಿ ಇರಿಸೋ ||

346. ಶರೀರದಿಂದ ಛಾಯೆ ಭಿನ್ನ ತೆರದಿ |

ಪರಮಾತ್ಮನಿಂದ ಆತ್ಮಭಿನ್ನ ತೆರದಿ ||

ಸರ್ಪದಂತೆ ತೋರುವ ರಜ್ಜು ಭಿನ್ನ ತೆರದಿ |

ಶ್ರೀಕೃಷ್ಣವಿಠ್ಠಲ ದುರ್ವಿಷಯಗಳಿಂದ ಭಿನ್ನವಾಗಿಸೆನ್ನ ||

347. ಜಗದೊಡೆಯ ದ್ವಾರ ಪಾಲಕನಂತೆ | (ವಾಮನ)

ಜಗನ್ನಿವಾಸ ಕಂಬದಿಂದ ಬಂದಂತೆ || (ನರಸಿಂಹ)

ಜಗದೀಶ ಕಾಡು-ಮೇಡು ಅಲೆದಂತೆ | (ಶ್ರೀರಾಮ)

ಖಗವಾಹನ ನರನ ಸಾರಥಿಯಂತೆ || (ಶ್ರೀಕೃಷ್ಣ)

ಭಗವಂತ ಭಕುತಿಗಾಗಿ ಇಟ್ಟಿಗೆ ಮೇಲೆ ನಿಂತಂತೆ | (ವಿಠ್ಠಲ)

ಬಗೆ ಬಗೆ ಲೀಲೆ ತೋರುವ ಶ್ರೀಕೃಷ್ಣವಿಠ್ಠಲ ಎನಗಾಗೇನಿದೆ ? ||

348. ಮೆಟ್ಟಿ ಕಷ್ಟವ ಕೊಟ್ಟು ದೊಡ್ಡವನಾಗು |

ಇಟ್ಟುಕೊಂಡು ದುಷ್ಟತನ ತೋರದಿರು ||

ಇಷ್ಟದಿಂದ ಕೊಡದಿದ್ದರೆ ಕಸಿದು ಕೊಡುವ |

ಗಟ್ಟಿಯಾಗಿ ಮನಮುಟ್ಟಿ ಭಜಿಸು ಶ್ರೀಕೃಷ್ಣವಿಠ್ಠಲನ ||

ಸ್ಪಷ್ಟವಾಗಿ ಇಹ-ಪರದಿ ಸುಖದಲ್ಲಿಡುವ ಸಂಶಯವಿಲ್ಲ ||

...

349. ಬರುವುದು ದೇಹ ತಾಯ್ತಂದೆಯರಿಂದ |

ಬರುವದು ವಿದ್ಯೆ ಗುರುಗಳಿಂದ ||

ಬರುವುದು ಧನ ಪೂರ್ವಜನ್ಮ ಪುಣ್ಯದಿ |

ಬರುವುದು ಆದಿ-ವ್ಯಾಧಿ ಪುರ್ವಜನ್ಮಕೃತ ಪಾಪದಿ ||

ಬರುವುದು ಘಟನೆಗಳು ಪೂರ್ವನಿರ್ಧಾರಿತದಿ |

ಬರುವುದು ಗುಣ ಬದಲಾಗದ ಸ್ವರೂಪದಿ ||

ಬರುವುದು ಭಾಗ್ಯ ಶ್ರೀಕೃಷ್ಣವಿಠ್ಠಲನಿಂದ |

ಪರತಂತ್ರ ಜೀವ ಯಾವುದರಲಿ ಸ್ವತಂತ್ರ ||

350. ವಿದ್ಯೆಯಾಗಲಿ, ಧನ-ಕನಕವಾಗಲಿ |

ಬಂದಿದ್ದು ಸದ್ಬುದ್ಧಿಯಲಿ ಹಂಚಲೆಂದು ||

ಬೇಡಿದವರಿಗೆ ಸ್ವಾರ್ಥಿಯಾಗದೆ ನೀಡಿದರೆ |

ಮುಂದಿನ ಜನುಮದಿ ಹೆಚ್ಚೆಚ್ಚು ಕೊಡುವ ||

ಒಡೆಯಾ ಶ್ರೀಕೃಷ್ಣವಿಠ್ಠಲ ತಾ ಒಲಿದು ಮೆಚ್ಚುವ ||

351. ಎಲ್ಲರೂ ಸುಖವಾಗಿರಲೆಂದು ಹೃತ್ಪೂರ್ವಕ ಬಯಸು |

ಎಲ್ಲರ ಸುಖದಲ್ಲಡಗಿದೆ ತನ್ನ ಸುಖ ಎಂದು ತಿಳಿ ||ಪ||

ಬೆಳಕಿನಿಂದಲೇ ವಜ್ರ ಹೊಳೆವುದು ಸರ್ವದಾ ||ಅಪ||

ಬೆಲ್ಲ-ಬೇವಿನಂತೆ ಈ ಸಂಸಾರವಿದೆ |

ಎಲ್ಲರೊಡನೆ ಹಂಚಿಕೊಂಡಿರುವುದೇ ಜೀವನ ||

ಎಲ್ಲರಿಂದ ಪಡೆದಾಗಲೇ ಬದುಕಲು ಸಾದ್ಯ |

ಬಲ್ಲವರೂ ಎಲ್ಲರಿಗೂ ಕೊಟ್ಟೇ ಹೋಗುವರು ||1||

ಗಳಿಸಿದ್ದರಲ್ಲಿ ತಾನು ಅನುಭವಿಸುವುದು ಸ್ವಲ್ಪ |

ಬೆಳೆಸಿದ್ದರೂ ಬೇರೆಯವರದ್ದೇ ಸಿಂಹಪಾಲು ||

ಉಳಿಸಿದ್ದು ಪೂರ್ಣ ಅನ್ಯರಿಗೆ ಬಿಟ್ಟುಹೋಗುವುದು |

ಕಳೆದು ಋಣಮುಕ್ತನಾಗಿ ಹೊಗುವುದು ಖಚಿತ ||2||

ಇದ್ದವರು ಇಲ್ಲದವರಿಗೆ ಇತ್ತರೆ ಜನ್ಮ ಧನ್ಯ |

ಇದ್ದದ್ದು- ಬಂದಿದ್ದೆಲ್ಲ ಪೂರ್ವಕೃತಕರ್ಮದಿಂದ ||

ಆದ ಈಗ ಕೊಡದಿದ್ದರೆ ಕಳ್ಳತನದಂತೆ |

ಮುಂದಿನ ಜನುಮದಲಿ ಏನೂ ಸಿಗದು ||3||

ಅರಿತು ಇದರ ಮರ್ಮ ನಡೆದರೆ ಕ್ಷೇಮ |

ಸ್ವಾರ್ಥ ತೊರೆದು ಪರೋಪಕಾರಿಯಾದರೆ ಚೆನ್ನ ||

ಪರರ ಸೊತ್ತು ಪರರಿಗೆ ಒಪ್ಪಿಸಿದರೆ ಸಾರ್ಥಕ |

ಪರರಿಗೆ ಕೊಡಲೆಂದೇ ಶ್ರೀಕೃಷ್ಣವಿಠ್ಠಲ ದಯದಿ ಇತ್ತಿದ್ದು ||4||

352. ಸುಂದರ ಪುರುಷ ಮಾಡಿದ ಲೋಕ ಅತೀ ಸುಂದರ |

ಸುಂದರತೆ ಸವಿವರು ಪಾಪವೇಕೆ ಮಾಡುವರು ||ಪ||

ಸುಂದರತೆ ಮೂರ್ತಿಮಂತವಿದ್ದಲ್ಲಿ ಹುಳುಕು ಇರುವುದ್ಹೇಂಗೆ ? ||ಅಪ||

ಸುಂದರ ಅರಳುವ ಪುಷ್ಟ, ಬೀಸುವ ತಂಗಾಳಿ |

ಸುಂದರ ಉದಯಿಸುವ ಸೂರ್ಯ, ಚಂದ್ರನ ಶೀತಲ ||

ಸುಂದರ ಹರಿಯುವ ನದಿ, ಸರೋರುಹ ಸರೋವರ |

ಸುಂದರ ಹಸಿರು ವನ, ಗಿರಿಗಳ ಸಾಲು ||1|||

ಸುಂದರ ಮಗುವಿನ ಮುಗ್ಧ ನಗೆ |

ಸುಂದರ ವಿವಿಧ ಬಣ್ಣಗಳ ಇಂದ್ರಧನು ||

ಸುಂದರ ಪದವುಳ್ಳ ಸಾಮವೇದ

ಸುಂದರ ಅತೀಪ್ರಶಾಂತ ಪರಿಸರ ||2||

ಸುಂದರ ಜೀವನದ ಸುಂದರ ಕ್ಷಣಗಳ |

ಸುಂದರವಾಗಿ ಕಳೆಯದೆ ಕ್ಲೇಶ ಪಡುವುದೇಕೆ ? ||

ಸುಂದರ ಆಲೋಚನೆ ಮಾಡಿ ಅಹ್ಲಾದದಿ |

ಸುಂದರ ಅದೃಷ್ಠವ ಒಲಿಸಿಕೊಳ್ಳಿ ||3||

ಸುಂದರ ಸ್ವಸ್ಥ ದೇಹ-ಮನ |

ಸುಂದರವು ವೈರಾಗ್ಯ ಬುದ್ಧಿ ||

ಸುಂದರತೆಯೇ ಭಕ್ತಿ-ಸತ್ಸಂಗ |

ಸುಂದರಾತಿ ಸುಂದರ ಶ್ರೀಕೃಷ್ಣವಿಠ್ಠಲನ ಜ್ಞಾನ ||4||

353. ಭಕ್ತಿಯ ಉತ್ತುಂಗ ನಾನಾಗಿದ್ದರೆ ಭಕುತಿ ಬೇಡಲೇಕೆ ? |

ಅತ್ಯುನ್ನತ ಜ್ಞಾನ ಎನಗಿದ್ದರೆ ಜ್ಞಾನ ಬೇಡಲೇಕೆ ? ||

ಸತ್ಯವಾದ ವೈರಾಗ್ಯ ಎನಗಿದ್ದರೆ ವೈರಾಗ್ಯ ಬೇಡಲೇಕೆ ? |

ಅತೀ ಮೋಹದ ಭಕುತಿ ಇಲ್ಲದ ಅಜ್ಞಾನಿ ನಾನೆಂದೇ ||

ನಿತ್ಯದಿ ಉದ್ಧರಿಸಿ ಚರಣದಲ್ಲಿರಿಸಿಕೋ ಎಂದು ಬೇಡುವೆ |

ಆತ್ಮೋದ್ಧಾರಕ ಶ್ರೀಕೃಷ್ಣವಿಠ್ಠಲ ದಯಾನಿಧೇ ನೀನಲ್ಲದಿದ್ದರೆ ನಿನ್ನನೇಕೆ ಬೇಡಲಿ ||

=

354. ಬೇಡುವೆ ಕಾಡುವೆ, ಅಂಗಾಲಾಚಿಸುವೆ |

ಒಡೆಯಾ ಬಿಡದೆ ಅನುಗ್ರಹಿಸೆಂದು ||ಪ||

ನೋಡಯ್ಯಾ, ಎನ್ನ ಪುಣ್ಯವಿದ್ದರೆ ನಿನ್ನನ್ನೇಕೆ ಬೇಡಲಿ ||ಅಪ|||

ನಚಿಕೇತ ಚಿಣ್ಣನೆಂದು ಎಣಿಸದೆ ಜ್ಞಾನವಿತ್ತೆ |

ಹೆಚ್ಚು ಪಾಪಿಷ್ಠನಾದರೂ ಅಜಮಿಳನ ಪೊರೆದೆ ||

ಅಚ್ಚುಮೆಚ್ಚಿನವಳೆಂದು ದ್ರೌಪದಿಯ ರಕ್ಷಿಸಿದೆ |

ಇಚ್ಛಿಸಿ ತ್ರಿವಕ್ರೆಯ ದೃಷ್ಟಿಸಿದಂತೆ ಉದ್ಧರಿಸೆನ್ನ ||1||

ಕಡೆದರೆ ಮೊಸರು ಬೆಣ್ಣೆ ಬರುವಂತೆ |

ಕಡೆಗೋಲು ನೀನೆ ಕಡೆಯುವವನೂ ನೀನೇ ||

ಹಡೆದವರು ಮಕ್ಕಳ ಕಡೆಗೆಣಿಸುವರೇ ? |

ಸಡಗರದ ದೈವ ಬಿಡದೆ ಪರಿಪಾಲಿಸೆನ್ನ ||2||

ನಿನ್ನ ಸದಾ ನೆನಸಿ ಮಾರ್ದವವಾಗುವ ಮನವಿಲ್ಲ |

ನಿನ್ನ ಪಾಡಿಕೊಂಡಾಡುಷ್ಟು ಭಕ್ತಿ ಎನಗಿಲ್ಲ ||

ನಿನ್ನ ಒಲಿಸಿಕೊಳ್ಳುವಷ್ಟು ಜ್ಞಾನ ಮೊದಲಿಲ್ಲ |

ಏನು ಇಲ್ಲದ್ದಕ್ಕೆ ನಿನ್ನನ್ನೇ ಬೇಡುವೆ) ಶ್ರೀಕೃಷ್ಣವಿಠ್ಠಲ ||3||

355. ಸರ್ವಗುಣ ಪರಿಪೂರ್ಣ ನೀನೆಂದು ಬುಧರು ಪೇಳ್ವರು |

ಪೂರ್ಣಜ್ಞಾನ_ಭಕ್ತಿ_ವೈರಾಗ್ಯ ಎನ್ನಲ್ಲಿ ಇಲ್ಲದ್ದಕ್ಕೆ ||

ಪೂರ್ವಕೃತ-ಇಂದು-ಮುಂದಿನ ಕರ್ಮಫಲ ಕಡೆಗಣಿಸಿ |

ಕುಕೃತ್ಯ-ಪಾಪಗಳ ಲಕ್ಷಿಸದೆ ಕರುಣಾಸಾಗರ ಉದ್ಧರಿಸೆನ್ನ ||

ಶ್ರೀಕೃಷ್ಣವಿಠ್ಠಲ ನಿನ್ನ ಸೇವಕ ನಾನೆಂದು ದಯದಿ ಸ್ವೀಕರಿಸು ||

356. ಎಷ್ಟು ಹೇಳಲಿ, ಎಷ್ಟು ಬೇಡಲಿ ಕೊನೆ ಇಲ್ಲವೆ ? |

ಕುಟ್ಟಿ ಕುಟ್ಟಿ ತಟ್ಟಿ ತಟ್ಟಿ ಕೇಳಾಯ್ತು-ಹೇಳಾಯ್ತು ||

ಇಷ್ಟೆಲ್ಲಾ ಕೇಳಿ ಕೇಳಿ ನಿನಗೆ ಬೇಸರವಿಲ್ಲವೆ ? |

ಇಷ್ಟದಿಂದಾಗಿ, ಬೇಸರದಿಂದಾಗಲಿ ಕೊಟ್ಟುಬಿಡು ||

ಘಟ್ಯಾಗಿ ಹಿಡಿದುಕೋ ಎಂದೆಂದಿಗೂ ಬಿಡದಂತೆ |

ಒಟ್ಟಿನಲಿ ನಿನ್ನ ಚರಣದಲ್ಲೇ ಬಿದ್ದಿರುವಂತೆ ಮಾಡು ||

ಕಟ್ಟಕಡೆಗೆನ್ನ ವೈಕುಂಠದಲ್ಲಿರಿಸೋ ಶ್ರೀಕೃಷ್ಣವಿಠ್ಠಲ ||

357. ಕಾಣುವ ಜ್ಞಾನವೃದ್ಧಿಯ ಪಿಪಾಸೆ ಮೇಲು ||

ಕಾಣುವ ವಿಷಯದಿ ವೈರಾಗ್ಯ ಮೇಲು |

ಕಾಣದ ಮುಕ್ತಿಗಾಗಿ ಹಾತೊರೆವುದಕ್ಕಿಂತ |

ಕಾಣದ ದೈವ ಶ್ರೀಕೃಷ್ಣವಿಠ್ಠಲನಲಿ ಧೃಡ ಭಕುತಿ ಇನ್ನೂ ಮೇಲು ||

358. ತಂದೆ, ತಂದೆ ನೀನು | ಬಂಧು ಬಳಗ ನೀನು |

ಚೆಂದದ ಜನುಮವಿತ್ತು | ಕುಂದುಗಳ ಎಣಿಸುವರೇ ||

ಎಂದಿಗೂ ಆಗುಹೋಗುಗಳ ಹೊಣೆಗಾರ | ನೊಂದಿಸಿ ನಂದಿಸದಿರು |

ಒಂದು ಕ್ಷಣದ ಜೀವನದಿ ಬಂದಾಗ | ನಿಂದು ಉಣಿಸಿದೆ ಸುಖ-ದು:ಖಫಲ ||

ಬೆಂದ ಜೀವಕೆ ತಂಪೆರೆದು | ಸದಾ ನಿರ್ಮಲ ಭಕುತಿ ಬೇಡುವೆ |

ಬಂಧನವ ಬಿಡಿಸಿ ಪಾಲಿಸಯ್ಯಾ | ಪಾದಪದುಮದಲ್ಲಿರಿಸು ಒಡೆಯಾ ಶ್ರೀಕೃಷ್ಣವಿಠ್ಠಲ ||

359. ಚಿಂತೆ ಚಿತೆವರೆಗೆ ಇರವುದು ಸಹಜ |

ಚಿಂತೆ ಚಿಂತನೆಯಾಗಿಸೋ ಪ್ರಯತ್ನದಿ | ಹೇ | ಮನುಜ ||ಪ||

`ಚಿಂತೆ ತೊರೆಯುವುದ್ಹೇಗೆಂದು ಚಿಂತಿಸದಿರು ||ಅಪ||

ಚಿಂತೆಯಲಿ ಮನ ಕಸದ ಗೂಡಾಗುವುದು |

ಚಿಂತೆಯಲಿ ಆಹಾರ ವಿಷವಾಗುವುದು ||

ಚಿಂತೆಯಲಿ ನಿದ್ರೆ ಮಾರು ದೂರಾಗುವುದು |

ಚಿಂತೆ ಅಗ್ನಿಯಂತೆ ಜೀವಂತ ಸುಡುವುದು ||1||

ಚಿಂತೆ ಶೂರ್ಪನಖಗೆ ಅಗ್ನಿಹೊತ್ತಿಸಿತು |

ಚಿಂತೆ ದಶಮುಖನ ಚಿತೆಯಾಗಿಸಿತು ||

ಚಿಂತೆ ಚಿಂತನೆಯ ಮಾಡಿ ಧ್ರುವ ಪದವಿ ಪಡೆದ |

ಚಿಂತೆ ಚಿಂತನೆಯಾಗಿಸಿ ನಚಿಕೇತ ವಿಜ್ಞಾನಿಯಾದ ||2||

ಚಿಂತನೆಯಲಿ ಶಬರಿ ಸ್ವಾಮಿ9 ಸೇವಿಸಿದಳು |

ಚಿಂತನೆಯಲಿ ಹನುಮ ಸ್ವಾತ್ಮಸುಖಿಯಾದ ||

ಚಿಂತನೆಯಲಿ ಗೋಪಿ ಹೃದಯದಿ ದರ್ಶಿಸಿದಳು |

ಚಿಂತನೆಯು ಚಿನ್ಮಯನೊಲಿಮೆ ಗಳಿಸುವುದು ||3||

ಚಿಂತೆ ಚಿಂತನೆಯಾಗುವುದು ನಿಶ್ಚಿಂತ ಮನದಿಂದ |

ಚಿಂತೆ ಹೋಗುವುದು ಶಬ್ದ-ನಿಶಬ್ದವಾದಾಗ ||

ಚಿಂತೆ ಸರಿಯುವುದು ಅನ್ಯವಿಷಯ ಬಿಟ್ಠಾಗ |

ಚಿಂತನೆಯಾಗುವುದು ಶಾಶ್ವತನ ತನ್ಮಯತೆಯಲಿ ||4||

ಚಿಂತೆ ನಿವಾರಣೆ ಬಗೆ ತಿಳಿದಾಗ |

ಚಿಂತೆ ಚಿಂತೆಯಾಗದೆ ಚಿಂತನೆಯಾಗಿರಿಸಿ ||

ಚಿತ್ತದಿ ಚಿತ್ತದೊಲ್ಲಭ ಯೋಗಕ್ಷೇಮ ವಹಿಸುವ |

ಚಿಂತೆ ಚಿಂತನೆಯಾದರೆ ಶ್ರೀಕೃಷ್ಣವಿಠ್ಠಲನೇ ಸಿಗುವ ||5||

360. ಮನಶುದ್ಧಿ ಇಲ್ಲ, ತನು ಶುದ್ಧಿ ಇಲ್ಲ |

ವಾಣಿ ಶುದ್ಧಿ ಮೊದಲೇ ಇಲ್ಲ | ನಡೆ ಶುದ್ಧಿ ಇಲ್ಲ ||

ಇನ್ನೂ ಶುದ್ಧಿಯಾಗಿ ಶುದ್ಧವಾಗುವುದ್ಹೇಂಗೆ ||ಅಪ||

ಸದಾ ಎಂಜಲು ತಿನ್ನು, ಪರರ ಎಂಜಲಲ್ಲ | (ನೈವೇದ್ಯ-ಪಂಚಾಮೃತ)

ಸದಾ ತ್ಯಜಿಸಿದ ವಸ್ತ್ರ ಧರಿಸು, ಪರರು ಧರಿಸಿದ್ದಲ್ಲ || (ನಿವೇದಿತವಸ್ತ್ರ)

ಸದಾ ಸಂಗಿಯಾಗಿರು, ಜನರಜೊತೆ ಇರಬೇಡ | (ಪರಮಾತ್ಮನ ಸಂಗ)

ಸದಾ ನೆನಪಿನಲ್ಲಿಡು, ಎಲ್ಲ ಮರೆತಿರಬೇಕು ||1|| (ಅಧ್ಯಾತ್ಮವಿದ್ಯೆ)

ಸದಾ ನಿಂದಿಸುತಿರು, ಬಿಡದೆ ಸ್ತುತಿಸುತಿರು | (ದುರ್ಗುಣಗಳು)

ಸದಾ ಆನಂದಿಸು, ನೆನೆನೆನೆದು ದು:ಖಿಸು || (ಪರಮಾತ್ಮ ವಿಸ್ಮರಣೆ)

ಸದಾ ಬೇಡುತಿರು, ಎಂದೂ ಬೇಡದಿರು | (ಭೇಡದಂತೆ ಪರಮಾತ್ಮನ ಬೇಡು)

ಸದಾ ಸೌಭಾಗ್ಯಶಾಲಿಯಾಗು, ದೌರ್ಭಾಗ್ಯ ಹಳಿಯುತಿರು ||2|| (ಪರಮಾತ್ಮನ ಕಾಣದ್ದು)

ಸದಾಮಲ ಜ್ಞಾನ ಇರಲಿ, ಅಜ್ಞಾನಿಯಾಗಿರು | (ಜ್ಞಾನ ಪ್ರದರ್ಶನ)

ಸದ್ಭಕ್ತಿ ಭಾವ ಇರಲಿ, ಭಕ್ತಿಮಾಡಬೇಡ || (ಢೋಂಗಿ ಭಕ್ತಿ)

ಸದ್ಬುದ್ಧಿ ವೈರಾಗ್ಯವಿರಲಿ, ವೈರಾಗ್ಯವಂತನಾಗಬೇಡ | (ಅಭಾವ ವೈರಾಗ್ಯ)

ಸದ್ಬ್ರಹ್ಮ ಶುದ್ಧಾತ್ಮ ಶ್ರೀಕೃಷ್ಣವಿಠ್ಠಲನೊಬ್ಬನೇ ಪರದೈವ ನಂಬು ||3||

361. ನಿಜ ಸುಖದ ಮರ್ಮತಿಳಿದು ಬದುಕುವುದು ಲೇಸು |

ರಾಜನ ಸುಖ ಪ್ರಜೆಗಳ ಸುಖದಲ್ಲಿದ್ದ ತೆರದಿ ||

ಯಜಮಾನನ ಸುಖ ಮನೆ ಮಂದಿ ಸುಖದಲ್ಲಿದೆ |

ಸುಜನ ನೀಡುವಾ, ಸುಖ ಸರ್ವರಿಗೂ ಭೇದವಿಲ್ಲದೆ ||

ಅಂಜದೆ ಕಷ್ಟ-ದು:ಖ ನಗುತ್ತಾ ಸಹಿದುವುದು |

ಭಂಜಸಿ ಸುಖದಿ ಬಂದಿದ್ದರಲ್ಲೇ ತೃಪ್ತಿ ಪಡೆವುದು ||

ಪೂಜಿಸಿ ದ್ವಿಜ-ಗೋ-ಪರರ ಹಿತವನ್ನೇ ಬಯಸುವುದು |

ಪೂಜ್ಯ ಗುರು-ಹಿರಿಯರ ಸುವಾಕ್ಯ ಪರಿಪಾಲನೆ ||

ಸಂಜೆಯಿಂದ ಬೆಳಗಿನವರೆಗೆ, ಬೆಳಗಿನಿಂದ ಸಂಜೆ ತನಕ |

ಕಂಜನಾಭಗರ್ಪಿಸಿ ಮಾಡಿದ ಸಕಲ ಕರ್ಮಸಂತೋಷದಿ ||

ಧ್ವಜಾಂಕುಶ ಗದಾ-ಪದ್ಮ ಚಿಹ್ನಾಂಕಿತ ಚರಣ ಸ್ಮರಿಸಿ |

ಭಜಿಸಿದರೆ ಶ್ರೀಕೃಷ್ಣವಿಠ್ಠಲನ, ಆತ್ಮಸುಖವೇ ಅಡಗಿದೆ ||

362. ಕಂಗಳಲಿ ಪ್ರೀತಿಸೂಸುತಾ | ಬಂಗಾರ ವರ್ಣಾಂಬರಧಾರಿ ||

ಅಂಗನೆಯರೊಡಗೂಡಿ ನಲಿದು | ಸ್ವರ್ಗಸುಖವಿತ್ತು ಓಲೈಸಿದ ||

ಭಂಗ ಬರದ ಭಕ್ತಿ ಪಡೆದು | ಅಗಲದ, ನಿಜ ಸ್ಥಾನವಿತ್ತ ||

ಖಗವಾಹನ ಶ್ರೀಕೃಷ್ಣವಿಠ್ಠಲನೇ | ಸಂಗ ಬಿಡದೆನ್ನ ಪರಿಪಾಲಿಸು ||