ಡಾ ನರಸಾಪೂರ & ಪರಿವಾರ

ಪ್ರಾರ್ಥನಾದಶಕಸ್ತೋತ್ರಮ್

ರಮಾರಮಣ ಮಧ್ವಾದಿದೇಶಿಕ ಶ್ರೀಹೃದಬ್ಜಗ |

ಹಯಗ್ರೀವ ಕೃಪಾಲೋ ಮೇ ಪ್ರಾರ್ಥನಾಂ ಶೃಣು ಸಾದರಮ್ ||

ಅಯೋಗ್ಯ ವಿಷಯೇ ಸ್ವಾಮಿನ್ ಸರ್ವಥಾನ ಮನೋ ಭವೇತ್ |

ಚಾಂಚಲ್ಯಂ ಮೂಲತಶ್ಛಿಂಧಿ ದುರಾಶಾಂ ಹರ ದೂರತಃ ||

ದುರ್ಬುದ್ಧಿಂ ಚ ನ ಮೇ ದೇಹಿ ದುಃಶಾಸ್ತ್ರಾವರ್ತನೇ ರತಿಮ್ |

ಹಾಪಯಸ್ವ ಚ ದುರ್ಮಾನಂ ದುರ್ಗುಣಂ ಮೋಚಯ ಪ್ರಭೋ ||

ದುಃಸಂಗಂ ದುಷ್ಕ್ರಿಯಾಂ ಛಿಂಧಿಹರ ಲೋಕಾಟನಾತ್ ಪದೌ |

ನ ನಿಯೋಜನ ಚಕ್ಷೂಂಷಿ ಪರದಾರಾದಿದರ್ಶನೇ ||

ದುಷ್ಪ್ರತಿಗ್ರಹ ದುಸ್ಪರ್ಶೇ ಕರೌಮಾ ಚೋದಯ ಧ್ರುವಮ್ |

ಅಗಮ್ಯಾಗಮನೇ ಗುಹ್ಯಂ ಘ್ರಾಣಮಾಘ್ರಾಣನೇs ಸತಾಮ್ ||

ಅಪಕರ್ಷತು ಜಿಹ್ವಾಂ ಮೇ ಲೊಕವಾರ್ತಾದುರನ್ನತಃ |

ದುರ್ವಾರ್ತಾ ದುಷ್ಟಶಬ್ದೇಭ್ಯೋನಿವರ್ತಯ ಹರೇಶ್ರುತೀ

ಭವದಿಚ್ಛಾನುಗಂ ಚೇತೋ ಯೋಗ್ಯ ಸದ್ವಿಷಯಂ ಭವೇತ್|

ಯದೃಚ್ಛಾ ಲಾಭ ಸಂತೃಪ್ತಂ ನಿಶ್ಚಾಂಚಲ್ಯಂ ಭವೇತ್ ತ್ವಯಿ||

ಸುಜ್ಞಾನಂ ಸರ್ವದಾ ದೇಹಿ ಸಚ್ಛಾಸ್ತ್ರಾವರ್ತನೇ ರತಿಮ್ |

ಸತ್ಸಂಗಂ ಸತ್ಕ್ರಿಯಾಂ ಚೈವ ಪಾದೌತ್ವತ್ಕ್ಷೇತ್ರ ಸರ್ಪಣೇ ||

ಶ್ರೀಮಧ್ವಶಾಸ್ತ್ರ ಶ್ರವಣೇ ನಿಯುಂಕ್ಷ್ವ ಶ್ರವಣೇ ಸದಾ |

ಹಯಾಸ್ಯ ಚಕ್ಷೂಂಷಿ ಚ ಮೇ ದರ್ಶನೇ ಸನ್ನಿ ಯೋಜನ ||

ಕರೌ ತ್ವದರ್ಚನೇ ನಿತ್ಯಂ ಸುಖತೀರ್ಥಸ್ಯ ಲೇಖನೇ |

ತ್ವದಾಲಾಪೇ ತ್ವದುಚ್ಛಿಷ್ಠ ಭೋಜನೇ ಕರು ಜಿಹ್ವಿಕಾಮ್ ||

ಘ್ರಾಣಂ ಭವತು ನಿರ್ಮಾಲ್ಯಾಘ್ರಾಣನೇ ನಮನೇ ಶಿರಃ |

ದೇಹಿ ಮೇ ತು ಜ್ಞಾನಭಕ್ತಿ ಪಶುಪುತ್ರ ಧನಾದಿಕಮ್ ||

ಪ್ರಾರ್ಥನಾದಶಕಂ ಚೈತತ್ ತ್ರಿಕಾಲೇ ಯಃ ಪಠೇನ್ನರಃ |

ತಸ್ಯಾಭೀಷ್ಟಂ ಹಯಾಸ್ಯೋsಸೌ ದತ್ವಾ ರಕ್ಷತಿ ಸರ್ವದಾ ||

|| ಇತಿ ಶ್ರೀವಾದಿರಾಜಯತಿ ಕೃತ

ಪ್ರಾರ್ಥನಾದಶಕ ಸ್ತೋತ್ರಮ್ ||