ಡಾ ನರಸಾಪೂರ & ಪರಿವಾರ

ಶ್ರೀಕೃಷ್ಣಾಷ್ಟಕಮ್

ಪಾಲಯಾಚ್ಯುತ ಪಾಲಯಾಜಿತ ಪಾಲಯ ಕಮಲಾಲಯ

ಲೀಲಯಾ ಧೃತಭೂಧರಾಂಬುರುಹೋದರ ಸ್ವಜನೋದರ ||ಪ||

ಮಧ್ವಮಾನಸಪದ್ಮ ಭಾನುಸಮಂ ಸ್ಮರಪ್ರತಿಮಂ ಸ್ಮರ

ಸ್ನಿಗ್ಧನಿರ್ಮಲಶೀತಕಾಂತಿಲಸನ್ಮುಖಂ ಕುರುಣೋನ್ಮುಖಮ್|

ಹೃದ್ಯಕಂಬುಸಮಾನಕಂಧರಮಕ್ಷ ಯಂ ದುರಿತಕ್ಷ ಯಂ

ಸ್ನಿಗ್ಧಸಂಸ್ತುತರೂಪ್ಯ ಪೀಠಕೃತಾಲಯಂ ಹರಿಮಾಲಯಮ್ ||೧||

ಅಂಗದಾದಿಸುಶೋಭಿಪಾಣಿಯುಗೇನ ಸಂಕ್ಷು ಭಿತೈನಸಂ

ತುಂಗಮಾಲ್ಯಮಣೀಂದ್ರ ಹಾರಸರೋರಸಂ ಖಲನೀರಸಮ್ |

ಮಂಗಲಪ್ರ ದಮಂಥದಾಮವಿರಾಜಿತಂ ಭಜತಾಜಿತಂ

ತಂ ಗೃಣೇ ವರರೂಪ್ಯಪೀಠಕೃತಾಲಯಂಹರಿಮಾಲಯಮ್ ||೨||

ಪೀನರಮ್ಯ ತನೂದರಂ ಭಜ ಹೇ ಮನಃ ಶುಭ ಹೇ ಮನಃ

ಸ್ವಾನುಭಾವನಿದರ್ಶನಾಯ ದಿಶಂತಮರ್ಥಿಸುಖಾಂತಮಮ್

ಆನರ್ತೋಸ್ಮಿ ನಿಜಾರ್ಜುನಪ್ರಿಯಸಾಧಕಂ ಖಲಬಾಧಕಂ

ಹೀನತೋಜ್ಝಿತರೂಪ್ಯಪೀಠಕೃತಾಲಯಂ ಹರಿಮಾಲಯಮ್ ||೩||

ಹೈ ಮಕಿಂಕಿಣಿಮಾಲಿಕಾರಶನಾಂಚಿತಂ ತಮವಂಚಿತಂ

ಕಮ್ರಕಾಂಚನವಸ್ತ್ರ ಚಿತ್ರಕಟಿಂ ಘನಪ್ರಭಯಾ ಘನಮ್ |

ನಮ್ರನಾಗಕರೋಪಮೋರುಮನಾಮಯಂ ಶುಭಧೀಮಯಂ

ನೌಮ್ಯಹಂ ವರರೂಪ್ಯ ಪೀಠಕೃತಾಲಯಂ ಹರಿಮಾಲಯಮ್ ||೪||

ವೃತ್ತ ಜಾನುಮನೋಜ್ಞ ಜಂಘ ಮಮೋಹದಂ ಪರ ಮೋಹದಂ

ರತ್ನಕಲ್ಪ ನಖತ್ವಿಷಾ ಹೃತಹೃತ್ತಮಸ್ತತಿಮುತ್ತ ಮಮ್ |

ಪ್ರತ್ಯಹಂ ರಚಿತಾರ್ಚನಂ ರಮಾಯಾ ಸ್ವ ಯಾssಗತಯಾ ಸ್ವಯಂ

ಚಿತ್ತ ಚಿಂತಯ ರೂಪ್ಯಪೀಠಕೃತಾಲಯಂ ಹರಿಮಾಲಯಮ್ ||೫||

ಚಾರುಪಾದಸರೋಜಯುಗ್ಮ ರುಚಾsಮರೋ ಚ್ಛಯಚಾಮರೋ

ದಾರಮೂರ್ಧಜಧಾರಮಂಡಲರಂಜಕಂ ಕಲಿಭಂಜಕಮ್|

ವೀರತೋಚಿತ ಭೂಷಣಂ ವರನೂಪುರಂ ಸ್ವತನೂಪುರಂ

ಧಾರಯಾsತ್ಮನಿ ರೂಪ್ಯಪೀಠಕೃತಾಲಯಂ ಹರಿಮಾಲಯಮ್||

ಶುಷ್ಕವಾದಿಮನೋsತಿದೂರತರಾಗಮೋತ್ಸವದಾಗಮಂ

ಸತ್ಕವೀಂದ್ರವಚೋವಿಲಾಸಮಹೋದಯಂ ಮಹಿತೋದಯಮ್ |

ಲಕ್ಷ ಯಾಮಿಯತೀಶ್ವರೈಃ ಕೃತಪೂಜನಂ ಗುಣಭಾಜನಂ

ಧಿಃಕ್ಕೃತೋಪಮರೂಪ್ಯಪೀಠಕೃತಾಲಯಂ ಹರಿಮಾಲಯಮ್ ||೭||

ನಾರದಪ್ರಿಯಮಾವಿಶಾಂಬುರುಹೇಕ್ಷಣಂ ನಿಜರಕ್ಷ ಣಂ

ತಾರಕೋಪಮ ಚಾರುದೀಪಚಯಾಂತರೇ ಗತ ಚಿಂತೆ ರೇ|

ಧೀರ ಮಾನಸ ಪೂರ್ಣಚಂದ್ರ ಸಮಾನಮಚ್ಯುತಮಾನಮ

ದ್ವಾರಕೋಪಮರೂಪ್ಯಪೀಠಕೃತಾಲಯಂ ಹರಿಮಾಲಯಮ್ ||೮||

ರೂಪ್ಯ ಪೀಠಕೃತಾಲಯಸ್ಯ ಹರೇಃಪ್ರಿಯಂ ದುರಿತಾಪ್ರಿಯಂ

ತತ್ಪದಾರ್ಚಕವಾದಿರಾಜಯತೀರಿತಂ ಗುಣಪೂರಿತಮ್ |

ಗೋಪ್ಯ ಮಷ್ಟಕಮೇತದುಚ್ಚಮುದೇ ಮಮಾಸ್ತ್ವಿ ಹನಿರ್ಮಮ

ಪ್ರಾಪ್ಯ ಶುದ್ಧಫಲಾಯ ತತ್ರ ಸುಕೋಮಲಂ ಹೃತಧೀಮಲಮ್ ||೯||

|| ಇತಿ ಶ್ರೀ ವಾದಿರಾಜಯತಿ ವಿರಚಿತಂ

ಶ್ರೀ ಕೃಷ್ಣಾಷ್ಟಕಮ್ ||

ಶ್ರೀ ಕೃಷ್ಣಾಷ್ಟಕಮ್ ||

ಶ್ರೀ ವಾಸುದೇವ ಮಧುಸೂದನ ಕೈಟಭಾರೇ

ಲಕ್ಷ್ಮೀಶ ಪಕ್ಷಿ ವರವಾಹನ ವಾಮನೇತಿ |

ಶ್ರೀ ಕೃಷ್ಣ ಮನ್ಮರಣಕಾಲ ಉಪಾಗತೇ ತು

ತ್ವನ್ನಾಮ ಮದ್ವಚನಗೋಚರತಾಮುಪೈತು||೧||

ಗೋವಿಂದ ಗೋಕುಲಪತೇ ನವನೀತಚೋರ

ಶ್ರೀ ನಂದನಂದನ ಮುಕುಂದ ದಯಾಪರೇತಿ |

ಶ್ರೀಕೃಷ್ಣ ಮನ್ಮರಣಕಾಲ ಉಪಾಗೆತೇ ತು

ತ್ವನ್ನಾಮ ಮದ್ವಚನಗೋಚರತಾಮುಪೈತು||೨||

ನಾರಾಯಣಾಖಿಲಗುಣಾರ್ಣವ ಸರ್ವವೇದ-

ಪಾರಾಯಣಪ್ರಿಯ ಗಜಾಧಿಪಮೋಚಕೇತಿ|

ಶ್ರೀ ಕೃಷ್ಣ ಮನ್ಮರಣಕಾಲ ಉಪಾಗತೇ ತು

ತ್ವನ್ನಾಮ ಮದ್ವಚನಗೋಚರತಾಮುಪೈತು||೩||

ಆನಂದಸಚ್ಚಿ ದಖಿಲಾತ್ಮಕ ಭಕ್ತ ವರ್ಗ-

ಸ್ವಾನಂದದಾನ ಚತುರಾಗಮಸನ್ನು ತೇತಿ |

ಶ್ರೀ ಕೃಷ್ಣ ಮನ್ಮರಣಕಾಲ ಉಪಾಗತೇ ತು

ತ್ವನ್ನಾಮ ಮದ್ವಚನಗೋಚರತಾಮುಪೈತು||೪||

ಶ್ರೀ ಪ್ರಾಣತೋಧಿಕಸುಖಾತ್ಮಕರೂಪ ದೇವ

ಪ್ರೋದ್ಯದಿವಾಕರನಿಭಾಚ್ಯುತ ಸದ್ಗುಣೇತಿ |

ಶ್ರೀ ಕೃಷ್ಣ ಮನ್ಮರಣಕಾಲ ಉಪಾಗತೇ ತು

ತ್ವನ್ನಾಮ ಮದ್ವಚನಗೋಚರತಾಮುಪೈತು||೫||

ವಿಶ್ವಾಧಿಕಾರಿಮುಖದೈವತವಂದ್ಯ ಶಶ್ವತ್ -

ವಿಶ್ವೋದ್ಭವಸ್ಥಿತಿಮೃತಿಪ್ರಭೃತಿಪ್ರದೇತಿ|

ಶ್ರೀ ಕೃಷ್ಣ ಮನ್ಮರಣಕಾಲ ಉಪಾಗತೇ ತು

ತ್ವನ್ನಾಮ ಮದ್ವಚನಗೋಚರತಾಮುಪೈತು||೬||

ನಿತ್ಯೈಕರೂಪ ದಶರೂಪ ಸಹಸ್ರ ಲಕ್ಷಾ -

ನಂತ ರೂಪ ಶತರೂಪ ವಿರೂಪ ಕೇತಿ |

ಶ್ರೀ ಕೃಷ್ಣ ಮನ್ಮರಣಕಾಲ ಉಪಾಗತೇ ತು

ತ್ವನ್ನಾಮ ಮದ್ವಚನಗೋಚರತಾಮುಪೈತು||೭||

ಸರ್ವೇಶ ಸರ್ವಗತ ಸರ್ವಶುಭಾಸುರೂಪ

ಸರ್ವಾಂತರಾತ್ಮಕ ಸದೋದಿತಸಕ್ತ್ರಿಯೇತಿ|

ಶ್ರೀ ಕೃಷ್ಣ ಮನ್ಮರಣಕಾಲ ಉಪಾಗತೇ ತು

ತ್ವನ್ನಾಮ ಮದ್ವಚನಗೋಚರತಾಮುಪೈತು||೮||

|| ಇತ್ತಿ (ಅಡವೀ) ವಿಷ್ಣುತೀರ್ಥಯತಿ ವಿರಚಿತಂ ಶ್ರೀ ಕೃಷ್ಣಾಷ್ಟಕಮ್ ||